Ofrecemos servizos e desenvolvemos proxectos innovadores para mellorar as oportunidades e a calidade de vida das persoas con discapacidade, acompañándoos en todas as súas etapas vitais.

O plan estratéxico de AMICOS está orientado a contribuír a alcanzar os Obxectivos de Desenvolvemento Sostible.

AMICOS conta con dous centros nos que desenvolve os seus servizos na provincia de A Coruña. O Centro de Atención Integral Amicos conta cunha unidade de rehabilitación avanzada, un fogar residencial, un centro de día, un centro ocupacional e unha unidade de formación pre-laboral; e o Centro de Educación Especial Amicos, ofrece servizos educativos e desenvolve unha unidade de atención ao autismo, unha unidade de atención especializada e unha unidade de atención temperá.

AMICOS contituíu en 2004 a Asociación Integrados e, en 2006 a Fundación Amicos para tutelar e protexer ás persoas con discapacidade orfas ou en situación de desprotección.

Á súa vez, a Fundación Amicos constituíu dúas entidades para a integración laboral das persoas con discapacidade: SERVINSERTA EIL, S.L e PROPERDIS EIL, S.L