Responsabilidade Social das Empresas

Moitas empresas privadas xa aplican políticas de responsabilidade social dando traballo a persoas con discapacidade e a outras que por diversas circunstancias tamén sofren ou están en risco de exclusión social. Estas empresas demostran o seu compromiso co emprego inclusivo e a igualdade de oportunidades, e fano así:

1. Contratando servizos e comprando produtos de Empresas de Inserción e de Centros Especiais de Emprego de Iniciativa Social.
2. Subcontratando a Empresas de Inserción e Centros Especiais de Emprego de Iniciativa Social para a execución dos contratos públicos.
3. Contratando a Centros Ocupacionais para tarefas auxiliares.
4. Cumprindo a obriga de emplear a un 2% de persoas con discapacidade (no caso de ser empresas con máis de 50 traballadores).
5. A través dalgunha das medidas alternativas da Lei Xeral de Discapacidade:

• Constituíndo un enclave laboral cun Centro Especial de Emprego.
• Mediante doazóns a entidades sen ánimo de lucro que teñan como obxecto a integración social de persoas con discapacidade.

6. Empregando, aínda que non teñan obriga legal, a persoas con discapacidade e a outras que, por diferentes circunstancias tamén sofren ou están en risco de exclusión social.